دپاکستان لومړی وزیر د امریکا ادعا رد کړه

ایرنا خبری اژانس وایی دپاکستان لومړی وزیر شاهد خاقان عباسی دامریکا هغه ادعا چې وایی پاکستان دترهګرو لپاره په امن پناه ځاې بدل شوی دی رد کړی ده .

دپاکستان لومړی وزیر شاهد خاقان عباسی له «بلومبرګ  »مجلې سره په مرکه کښې دامریکا د ادعا په ردولو سره چې وایی پاکستان دترهګرو لپاره په امن پټنځاې بدل شوی دی وویل په سیمه کښې دترهګرو اقداماتو سرچینه د افغانستان خاوره ده .

شاهد خاقان عباسی وویل ترهګر په پاکستان کښې نه بلکې په افغانستان کښې دی

هغه زیاته کړه دپاکستان پوځ به په قبایلی سیمو کښې د حقانی ډلې په شمول د ترهګرو ډلو پرضد اقدامات وکړی .

دپاکستان لومړی وزیر شاهد خاقان عباسی دامریکا د چارواکو دغه ادعا ته په اشارې سره چې ویلی یې دی اسلام اباد د حقانی ډلې پرضد د پریکنده اقداماتو ترسره کولو ته ګروهنه نلری وویل پاکستان په ځلونو واشنګټن  ته ویلی دی که چیرې دوې دپاکستان په خاوره کښې د حقانی ډلې دپټنځایونو په اړه سم اطلاعات لری نو د اسلام اباد حکومت ته یې ورکړی چې د دغه ډلې پرضد اقدام وشی .

هغه په افغانستان کښې دامریکا دعسکرو دقوماندان جنرال جان نیکلسن ادعاګانو ته په غبرګون کښې چې ویلی یې وو د افغانستان دطالبانو مشران په پاکستان کښې په ازادۍ سره ژوند کوی وویل دپاکستان خاوره هیڅکله د طالبانو او دنورو ترهګرو ډلو لپاره نه ده .

دپاکستان لومړی وزیر شاهد خاقان عباسی وویل د افغانستان حکومت او طالبان دامنیت دټینګولو لپاره باید سره خبرې وکړی .