ایاز صادق وایي د امریکا له ګوت څنډنو نه ویریږو.
د پاکستان د مشرانو جرګې رییس په دغه هیواد کې له ترهه ګرو ګواښونو سره د اسلام اباد د جدي مقابلې خبر ورکړ.
د پاکستان د نیشن ورځپاڼې په لیکنه رضا رباني پرون په اسلام اباد کې له ترهه ګرۍ سره د مبارزې چیلنجونه او د سیمه ایزې ملګرتیا رول تر نامه لاندې غوندې په پرانستونکو دستورو کې د پاکستان په هکله د امریکایی مقاماتو په وروستیو څرګندونو نیوکه وکړه او وې ویل: پاکستان د یو خپلواکه او مقتدر هیواد په توګه د نورو هیوادونو له خبرداریو او ګوت څنډنو نه ویریږي.
هغه له شپاړسو کلونو وروسته په افغانستان کې د امریکا د شتون بې نتیجې والي ته په اشارې سره زیاته کړه: امریکا د ترهه ګرۍ په خلاف جنګ کې د پاکستان په قربانیانو او مرګ ژوبلو سترګې پټې کړې او په افغانستان کې خپله ناکامي زمونږ په غاړه اچوي.
د پاکستان د مشرانو جرګې رییس همدرازا ګډو موخو ته د رسیدلو لپاره د سیمې دهیوادونو د ملګرتیا په ضرورت ټینګار وکړ.
له ترهه ګرۍ سره د مبارزې د چینلجونو او سیمه ایزې ملګرتیا رول یو ورځنۍ غونډه د ایران د اسلامي جمهوریت، افغانستان ترکیې ، روسیې چین او پاکستان د پارلیمانانو دمشرانو په شتون په اسلام اباد کې کې ترسره شوه او د یوې بیانیې په خپرولو سره یې خپل کار پای ته ورساوه .
