په ترهه ګرۍ ککړ مولوي سعودي ته په تښتېدو پېښور هوائي ډګر کښې ونيوے شو

پاکستاني رسنيو په پېښور هوائي ډګرکښې په ترهه ګريزو پېښو کښې لاس لرونکے يو مولوي سعودي ته د تښتېدو په حال کښې د نيولو خبر ورکړ.

د پاکستان اکثرو سرچينو وليکل،  د پاکستان د اېف آئي اے د چارواکو له قوله وليکل، د دغې ادارې ځواکونو په ترهه ګريزو پېښو کښې لاس لرونکے مولوي محمد نبي سعودي ته په تښتېدو د پېښور باچاخان نړيوال هوائي ډګر کښې ونيوۀ، ورځپاڼې زياته کړه، مولوي محمد نبي چې په ګڼ شمېر ترهه ګريزو واقعاتو کښې پوليسو ته مطلوب ؤ تعلق يې له اورکزۍ اېجنسۍ سره دے. په خبر کښې زياته شوې ده چې مولوي محمد نبي د لا زيات تفتيش لپاره نامعلوم مقام ته منتقل کړے شوے دے.

په دغو رپوټونو کښې دا نه ده څرګنده شوې چې د مولوي محمد نبي تعلق له کومې ترهه ګرې ډلې سره دے.