قطر کښې ۵۳ پاکستانیان آزاد شول
Aug 11, 2019 07:28 Asia/Kabul
قطر د پاکستان د وزیراعظم په غوښتنه هغه ۵۳ پاکستانیان چې د دوحې په جیل کښې پراته وو، آزاد کړل.
عمران خان څو ورځې مخکښې د امریکې له سفره د ستنیدو پر مهال په دوحه کښې د قطر له امیر سره کتلې وو او ورڅخه یې د پاکستاني بندیانو د آزادولو په لړ کښې مرسته غوښتې وه.
یاده دې وي چې د پاکستان د کورنیو چارو وزارت تیر کال ویلې وو چې ۱۱ زره او ۸ سوه پاکستانیان د مختلفو جرمونو په تور د نړۍ په بیلابیلو هیوادونو کښې زنداني دي.
خبر زیاتوي چې له هیواده بهر د قیدي پاکستانیانو ترټولو زیات شمیر په عربستان کښې دی چې نزدې دریو زرو کسانو ته رسیږي.
