عمران خان د څويم ځل لپاره بيا سعودي ته لاړ
د پاکستان وزيراعظم نن د دوه ورځني سفر لپاره سعودي ته لاړ
د فارس خبري آژانس د رپوټ له مخې خارجه وزير، د خزانې وزير او د تجارتي چارو صلاحکار هم سعودي ته په دغه سفر کښې له عمران خان سره ملګرتيا کوي.دا په پاکستان کښې اقتدار ته د رسېدو له وخت نه سعودي ته د عمران خان څلورم سفر دے.
سعودي ته د عمران خان سفر په داسې حال کښې دے چې د پاکستان حکومت په تېره يو کال کښې د مالي مشکلاتو د هواري لپاره له سعودي او اماراتو څخه له پينځو مليارډ ډالرو زيات پور ترلاسه کړے دے.
د پاکستان مرکزي بېنک په تېر کال کښې د دغه هېواد بهرني پورونه پينځه نوي ميليارد او درې سوه څلوېښت ميلن ډالر اعلان کړي وو.
د پاکستان خلق او سياسي ګوندونه او ډلې باوري دي چې سعودي او امارات د اسلام حکومت ته د پور په ورکولو سره په سيمه کښې په تېره بيا د يمن د خلقو په خلاف جنګ کښې د خپلو اهدافو د اجرا کولو لپاره له دغه هېواد څخه استفاده کوي.
