راشد خان په سل بالیزه لوبه کې خپلې لوبډلې له ځآن سره بیا ځل وساته
په انګلستان کې د ناټینګهم کونټي کرکټ کلب نن اعلان وکړ چې د روان کال سل بالیزه سیالیو کې به راشد خان یو ځل بیا د ټرېنټ راکټز لوبډلې سره ولوبیږي.
راشد خان په سل بالیزه لوبه کې خپلې لوبډلې له ځآن سره بیا ځل وساته
په انګلستان کې د ناټینګهم کونټي کرکټ کلب نن اعلان وکړ چې د روان کال سل بالیزه سیالیو کې به راشد خان یو ځل بیا د ټرېنټ راکټز لوبډلې سره ولوبیږي.
سل بالیزه کرېکټ سیالۍ په لومړي ځل په ۲۰۲۱ زېږدیز کال کې د انګلستان او ویلز کرېکټ ادارې له لوري رامنځته شوې چې، د دې هېوادونو د ۸ مشهورو ښارونو په نوم لوبډلې پهکې لوبیږي.
د دې سیالیو په تېرو دوه پړاونو کې د راشد خان ترڅنګ په څو نور افغان لوبغاړي هم لوبېدلي دي.
راشد خان په ۲۰۲۲ کال کې د ناټینګهم ښار اړوند لوبډلې ټرېنټ راکټز لوبغاړی و چې لوبډلې یې د دې کال اتلولي هم وګټله.
یادې لوبډلې په یوه تازه اعلان کې ویلي چې، د راشدخان په ګډون یې د تېر کال له اکثرو لوبغاړو سره بیا د لوبېدو تړون کړی دی.
په دې لوبډله کې د نوموتو نړیوالو لوبغاړو له ډلې کولېن مونرو، ډینیل سمز، جو روټ او الېکس هېلز لوبیږي.
د ویلو ده چې د سل بالیزه سیالیو درېیم پړاو به سږ کال د اګست میاشتې په لومړۍ نېټه پیل شي.
