د کوپا ډېلرې فوټبال لیګ نیمه پايلوبه؛ ریال ماډریډ ۴-۰ بارسلونا مات کړ
د اسپانیا د «کوپا ډيلرې» فوټبال لیګ نیمه پايلوبه کې د ریال ماډریډ لوبډلې خپل سیال بارسلونا ۴-۰ له مخې پورته کړ.
د کوپا ډېلرې فوټبال لیګ نیمه پايلوبه؛ ریال ماډریډ ۴-۰ بارسلونا مات کړ
د اسپانیا د «کوپا ډيلرې» فوټبال لیګ نیمه پايلوبه کې د ریال ماډریډ لوبډلې خپل سیال بارسلونا ۴-۰ له مخې پورته کړ.
دغه لوبه چې بېګاه د نیوکمپ لوبغالي کې ترسره شوه، ریال ماډریډ لوبډلې د کریم بنزما د هېډریک «درې ګولونو» پر مټ کوربه بارسلونا ته سخته ماته ورکړه.
ریال ماډریډ لوبډله په دې بریا سره نږدې لس کاله وروسته د اسپانیا د کوپا ډیلرې فوټبال لیګ پایلوبې ته لاره پیدا کړه.
له ۱۹۶۳ کال راهیسې دا لومړی ځل دی چې ریال ماډریډ لوبډله خپل کوربه سیال بارسلونا ته په خپل کور کې ۴-۰ ماته ورکوي.
په وروستي ځل بارسلونا ۷۰کاله مخکې خپل کور کې له ریال ماډریډ ۵-۱ ماته خوړلې وه.
په دغه لوبه کې کریم بنزما د ریال لپاره درې ځله او وینیسیوس جونییر بیا یوازې یو وار ګولوهنه وکړه. بنزما له دې وړاندې سیالي کې هم د ریال لپاره هېډریک کړی و.
ریال ماډریډ لوبډله به د مې میاشتې په شپږمه د کوپا ډېلرې فوټبال لیګ پایلوبه کې له اوساسونا سره سیالي وکړي. اوساسونا لوبډلې هم نیمه پایلوبه کې اتلاتیک بېلباوو لوبډله له مخې پورته کړه.
بلخوا ریال ماډریډ لوبډلې په وروستي ځل د کوپا ډېلرې په پایلوبه کې ۲۰۱۴ کال کې بارسلونا ته په ماتې ورکولو سره دغه لیګ د ۱۹ ځل لپاره ګټلی و.
