پاکستان په لومړۍ شل اوریزه لوبه کې نیوزلینډ ته په ۸۸ منډو ماتې ورکړه
پاکستان د پنځه شل اوریزو لوبو لړۍ په لومړۍ لوبه کې نیوزلینډ ته په ۸۸ منډو ماتې ورکړه او ټاکل شوې نن د دواړو لوبډلو ترمنځ دویمه شل اوریزه لوبه هم ترسره شي.
پاکستان په لومړۍ شل اوریزه لوبه کې نیوزلینډ ته په ۸۸ منډو ماتې ورکړه
پاکستان د پنځه شل اوریزو لوبو لړۍ په لومړۍ لوبه کې نیوزلینډ ته په ۸۸ منډو ماتې ورکړه او ټاکل شوې نن د دواړو لوبډلو ترمنځ دویمه شل اوریزه لوبه هم ترسره شي.
د تېرې شپې لوبه چې د لاهور په قذافي لوبغالي کې ترسره شوه، پاکستان لومړۍ توپ وهنه وکړه او نیوزلینډ ته یې د ۱۸۳ منډو هدف وټاکه، چې په ځواب کې د نیوزلینډ ټوله لوبډله په ۹۴ منډو وسوزیده او په ۸۸ منډو یې په لومړۍ شل اوریزه لوبه کې ماتې ومنله.
په دغه لوبه کې د نیوزلینډ تېز توپ اچوونکي میټ هیټري هیټریک هم ترسره کړ، خو د پاکستان لخوا د نیوزلینډ د څلورو لوبغاړو د سوزولو له امله حارث رؤف د لوبې غوره لوبغاړی ونومول شو.
د پاکستان او نیوزلینډ ترمنځ دویمه شل اوریزه لوبه نن ماښام د پاکستان پر وخت ماښام نهه بجې د لاهور په قذافي لوبغالي کې ترسره کیږي.
