د ایران د والیبال ملی ټیم د هانګزو د اسیایی لوبو پای لوبې ته لاره پیدا کړه
د ایران د والیبال ملي ټیم د قطر په وړاندې په بریا سره د هانګزو د اسیایي لوبو پای لوبې ته لاره پیدا کړه.
د ایران د والیبال ملي ټیم د قطر په وړاندې په بریا سره د هانګزو د اسیایي لوبو پای لوبې ته لاره پیدا کړه.
د ایرنا د خبر له مخې په هانګزو کې د ۲۰۲۳ کال اسیایی لوبو نیمه پای لوبې نن (دوشنبه) په دوو لوبو سره پیل شوې چې پکې د ایران د والیبال ملی ټیم له قطر سره مخامخ شو.
په دغه لوبه کې د بهروز عطايي زده کوونکو په دریو پرله پسې سیټونو کې د ۲۵-۲۰، ۲۵-۲۰ او ۲۵-۲۲ پواینټونو سره بریا خپله کړه او د شپږم ځل لپاره یې د اسیايي لوبو پای لوبې ته لاره پیدا کړه.
په بله نیمه پای لوبه کې به د چین او جاپان ټیمونه له یو بل سره مخامخ شي او د دې لوبې ګټونکی به په فاینل کې د ایران سیال وي.
د ايران د واليبال ملي ټيم د اسيايي سياليو په دې دوره کې په يوولسم ځل ګډون کوي.
د ایران د والیبال نارینه په تیرو لسو فصلونو کې دوه د سرو زرو مډالونه (۲۰۱۴ او ۲۰۱۸)، درې ځله د سیالیو د دویم مقام ګټوونکي (۱۹۵۸، ۲۰۰۲ او ۲۰۱۰) او دریم مقام (۱۹۶۶) ګټلی دی.
