د امریکا ائتلاف له سوریې څخه عراق ته پوځيان استولي
اسپوتنیک خبري اژانس وايي د امریکا ائتلاف یو پوځي کاروان د سوریې په شمال ختیځ کښې له خپلو غیرقانوني اډو څخه د عراق کردستان سیمې ته منتقل کړ.
امریکا د سوریې د ختیځ او د شمال ختیځ سیمو په نیولو سره هلته څه د پاسه اتویشت پوځي اډې جوړې کړي دي.
د سوریې د ځینو سیمو له نیولو د امریکا اصلي هدف د سوریې د ځمکې لاندې د سرچینو او د تیلو په غلا کولو سربیره د سوریې په دغو سیمو کښې د دائمي شتون لپاره هڅه ده.
د سوریې د حسکه سیمې په خوا کښې ځايي سرچینو وویل د امریکا پوځ د پرله پسې دوهمې ورځې لپاره خپل یوشمیر پوځي ګاډي او پوځیان د سوریې له ختیځ سیمو څخه د عراق کردستان سیمو ته انتقال کړل.
دغو سرچینو وویل په دغه پوځي کاروان کښې د امریکا د ائتلاف څه د پاسه شل پوځي ګاډي شامل وو چې له الولید غیر قانوني لارې څخه د عراق کردستان سیمې ته انتقال شول.
د امریکا ائتلاف په تیرې دوشنبې ورځې هم خپل په لسګونو پوځي ګاډي او پوځيان د سوریې په حسکه او دیرالزور ولایتونو کښې له خپلو اډو څخه عراق ته انتقال کړي وو.
د امریکا دغه اقدام د دغو اډو پرضد د توغندوي حملو له زیاتیدا سره په یووخت ترسره کیږي.
په سوریې ،عراق او نورو ډیرو هیوادونو کښې له داعش ، القاعده او نورو لسګونو ترهګرو ډلو سره امریکا ، بریتانیا ، فرانسه ، سعودي عربستان ، متحده عربي امارات، بحرین ، اردن ، اسرائیل او نورو عرب او اروپايي هیوادونه مالي ، پوځي او استخباراتي مرستې کوي.
