څو اړخیزه ملګرتیا له چیلنجونو سره د مقابلې لاره ده
الاخباریه ټیلي ويژن راپور ورکړ د سوریې د بهرنیو چارو وزیر فیصل مقداد ټینګار وکړ څو اړخیزه ملګرتیا به په نړیوالو چیلنجونو باندې د غلبۍ یوازنۍ لاره وي.
فیصل مقداد د ملګروملتونو د عمومي ټولنې د فعالیتونو په څنګ د چین او د اوه اویا ډلې د خارجه وزیرانو په شپږڅلویښتمې غونډې کښې په وینا کښې وویل څو اړخیزه ملګرتیا په نړیوالو چیلنجونو باندې د غلبې یوازنۍ لاره او د پایداره پراختیا او د ودې د هدفونو د محقق کیدا او په پراختیا کښې د ګډون د زیاتیدا لپاره یو تضمین دی.
د سوریې د باندنیو چارو وزیر فیصل مقداد زیاته کړه سوریه هماغه راز له ترهګرۍ سره مبارزې ته دوام ورکوي او خپلې نیول شوي ځمکې به ازادې کړي او د سوریې پرضد د تپلي اقتصادي کړچار په مقابل کښې به چې د اقتصادي ترهګرۍ سویې ته رسیدلي دي ودریږي.
په سوریې کښې کړکیچ له دوه زره یولسم میلادي کال راهسې د سعودي عربستان د امریکا د متحده عربي اماراتو او د دوې د نورو ملګرو هیوادونو د ملاتړ وړ ترهګرو ډلو په پراخ یرغل سره د صهیونیسټ رژیم په ګټه د سیمې د معادلاتو د بدلولو لپاره پیل کړی شوی دی.
