د عراق الحشد الشعبی ځواک او امریکا :-
د امریکا بې پایلوټه الوتکو بیګا د عراق په الانبار ولایت کښې په القائم سیمه کښې د الحشد الشعبی په مرکزونو بریدونه وکړل او په لسګونو کسان یې مړه او ژوبل کړل .
دا لومړی ځل نه دی چې امریکا د عراق د الحشد الشعبی ځواک پرضد عمل کوی .
امریکا او ملګرو یې له دې مخکې هم د عراق الحشد الشعبی ولسی ځواک په ځلونو په چورتالان ، اخلاقی فساد او فرقه پالنې تورن کړی او د داعش ډلې له ترهګرۍ سره د مبارزې په بهیر کښې یې د دغه ولسی ځواک رول تر پوښتنې لاندې وروستلی دی او څو ځله یې د هغه(الحشد الشعبی ) په مرکزونو پوځی بریدون کړی دی .
مهمه پوښتنه دا ده چې د عراق له الحشد الشعبی ځواک سره د امریکا د دښمنۍ علتونه څه دی .؟
د دغه دښمنۍ لومړنی او ترټولو مهم عامل د امریکا او د حشد الشعبی متضاد هویتونه بللی شو .
حشد الشعبی ځواک په عراق کښې بسیج جوړونکی لوبغاړی دی چې د بسیج جوړونې له توان څخه په سیمه کښې د مقاومت د چورلیز د هدفونو لپاره ګټه پورته کوی په داسې حال کښې چې امریکا د مقاومت د چورلیز اصلی دښمنه ده .
د عراق حشد الشعبی ځواک د خپل مقاومتی هویت په خاطر په عمومی توګه په سیمه او په خاص توګه په عراق کښې د امریکا له هرډول لاسوهنې سره مخالف دی .
حشد الشعبی ځواک د عراق په القائم سیمه کښې له خپلو مرکزونو څخه چې د امریکا «عین الاسد »اډې ته تر ټولو نږدې مرکز دی د عراق او دسوریې ترمینځ د امریکا عسکرو په تګ راتګ په کامل ډول څارنه لری او د امریکا د پوځیانو لپاره محدودیت رامینځته کوی .
حشد الشعبی ځواک په عراق کښې د ایران اسلامی جمهوریت ته نږدې لوبغادی دی په داسې حال کښې چې امریکا هیواد په نړۍ کښې د ایران ترټولو مهم دښمن دی .
د امریکا دفاع وزارت پینټاګان د عراق د الحشد الشعبی ځواک په مرکز له بیګا شپې برید وروسته وویل چې د عراق حزب الله غونډونه له ایران سره نږدې اړیکې لری .
د عراق له الحشد الشعبی ځواک سره د امریکا د دښمنۍ دوهم (۲) دلیل د صهیونیسټ رژیم د ګټو دفاع کول دی .
په عراق کښې د الحشد الشعبی شتون او پیاوړی کیدل په سیمه کښې د مقاومت ډلو د موقعیت دپیاوړتیا په معنا دی چې په لویدیځې اسیا کښې د امریکا د ترټولو مهم متحد یعنی د اسرائیلو له ګټو سره په تضاد کښې ده .
په همدې لړ کښې د اسرائیلو د بهرنیو چارو وزیر «یسرائیل کاټس» د عراق د الحشد الشعبی پرضد د امریکا د حملې په هرکلی سره هغه د بدلون یو(۱) پیچومی وباله .
د عراق له الحشد الشعبی ځواک سره د امریکا د دښمنۍ دریم(۳) دلیل د عراق په حکومتی جوړښت کښې د دغه ځواک د قدرت دموندلو مخه نیول دی .
په امریکا او اسرائیلو سربیره سعودی عربستان هم د عراق د الحشد الشعبی ځواک ترټولو مهم مخالف دی .
که څه هم الحشد الشعبی په عراق کښې عربی لوبغاړی دی خو سعودی عربستان هماغه ډول چې د لبنان حزب الله ، د فلسطین اسلامی مقاومت غورځنګ حماس او دیمن انصار الله غورځنک ته له دغه رژیم سره د معارضو عربی غورځنګونو په توګه ګوری د عراق د الحشد الشعبی ځواک په هکله هم ورته نظر لری .
پر دې اساس امریکا هڅه کوی هغه عرب لوبغاړی وده ونکړی کوم چې د سعودی عربستان له سیاستونو سره غږملتیا نلری.
د عراق له الحشد الشعبی ځواک سره د امریکا ، د سعودی عربستان او د صهیونیسټ رژیم د دښمنۍ څلورم (۴) دلیل دا دی چې حشد العشبی په عراق کښې له داعش ترهګرو سره د مبارزې لپاره جدی اراده لری دا په داسې حال کښې دی چې امریکا نه یوازې د داعش ډلې له مینځه وړل نه تعقیبوی بلکې هڅه کوی د داعش ډلې غړی له سوریې څخه عراق ته ورولی .
د عراق په القائم ښار کښې د الحشد الشعبی ځواک مرکزونه چې د امریکا بې پایلوټه الوتکو ورباندې بیګا بریدونه وکړل داسې ځای وو چې داعش هلته سا اخیستله او په دې توګه د داعش په سلګونو غړی له سوریې څخه عراق ته انتقال شول .
د دغو دلایلو ټولګه سبب شوه چې امریکا د عراق د الحشد الشعبی ځواک پرضد پوځی عملیات او بریدونه وکړی .
