د صهيونېسټ رژيم د تېريو له ختمېدو څخه د ملګرو ملتو هرکلے
د ملګرو ملتو مشر آنتونيو ګوټرش د فلسطينيانو او صهيونېسټ رژيم ترمېنځ د ډزبندۍ له ټينګېدو او د اسرائيلو تېريو له ختمېدو څخه هرکلے وکړ.
د ملګرو ملتو د سائيټ د رپوټ له مخې آنتونيو ګوټرش په يوې بيانيه کښې وويل: ضروري ده چې نړيواله ټولنه په لا پراخه سطح له فلسطيني خلقو څخه د ملاتړ او د هغوي له ادارو سره د مرستې په خاطر د چټکه او پائېدارې بيا رغونې لپاره مضبوط ملاتړي پېکجونو برابرولو لپاره له ملګرو ملتو سره ملګرتيا وکړي.
ګوټرېش غزه د خپلواکه فلسطين هېواد يو نه بيلېدونکې برخه وبلله او وې ويل، پکار دے د حقيقي ډزبندۍ او اختلافاتو د ختمېدو لپاره له هيڅ کوششه ډډه ونه شي.
همدارنګ د اروپائي اتحاديې د خارجه سياست مشر جوزف بورل هم نن د غزې په تړانګه کښې له فلسطيني مقاومتي ډلو سره يو اړخيزې ډزبندۍ ته د صهيونېسټ رژيم غاړه اېښودلو څخه هرکلے وکړ.
د اېشيا د لويديځ په چارو کښې د روسيې د ولسمشر استازي ميخائل بوګدانف هم د حماس د سياسي دفتر له مشر اسماعيل هنيه سره په ټيلفوني خبرو کښې د فلسطين د مقاومت د ډلو او د صهيونېسټ رژيم ترمينځ د ډزبندۍ هرکلے وکړ.
