د کشمير د حريت کانفرنس يو مشر د هندي نيواکګرو فوځيانوپه خلاف د مبارزې په دوام تاکيد وکړ
د کشمير حريت کانفرنس يو مشر د هند ترکنټرول لاندې کشمير کښې د نيواکګرۍ د خاتمې لپاره د هندي نيواکګرو فوځيانو په خلاف د مبارزې په دوام تاکيد وکړ.
د ايرنا د رپوټ له مخې مير واعظ عمر فاروق پرون په يوه وېنا کښې وويل، په هند کښې پارلېماني انتخابات د کشمير مشکل او په دغه سيمه کښې جګړه نه شي ختمولې.
د کشمير حريت کانفرنس دغه مشر د هند د پارلېماني انتخاباتو په بائيکاټ باندې په تاکيد سره زياته کړه، د هند ځپونکے سياست د هند تر کنټرول لاندې کشمير کښې د مقاومت د غورځنګ د کمزوري کېدو سبب نه شي کېدې.
د هند د پالېمان لوک سبا اوه مرحله ايز انتخابات د اپرېل د روانې مياشتې له يولسمې نه شروع شوي او د راتلونکې مۍ تر نولسمې پورې به دوام لري.
د هند ترکنټرول لاندې د کشمير خلقو اعلان کړے چې د هند په پارلېماني انتخابات يې بائيکاټ کړي دي او هيڅ يونامزد ته به رائې نه ورکوي. د کشمير خلقو په انتخاباتو باندې په اعتراض کښې عامه هړتال اعلان کړےدے.
