د عربستان د حکومت د مخالفانو ځپل زیات شوي
فارس خبري اژانس وايي د امریکا لاس انجلس ټایمز ورځپاڼې پرون په سعودي عربستان کښې د حکومت د مخالفانو د ځپلو د زیاتیدا خبر ورکړ .
دغه ورځپاڼې د سعودي عربستان په حکومت د نیوکه کونکو په قول وویل د ولیعهد محمد بن سلمان لخوا د نیوکه کونکي خبریال جمال خاشقچي له وژلې دوه (۲)کاله وروسته په دغه هیواد کښې د حکومت د مخالفانو ځپل هماغه راز په زیاتیدا دي .
لاس انجلس ټایمز ورځپاڼې وویل د بشري حقوقو د فعالانو په شمول د سعودي عربستان فعالان په زندانونو کښې شکنجه کیږي او په جنسي ډول ځورول کیږي .
په دې سره په خارجي هیوادونو کښې د سعودي عربستان جلاوطن شویو ښاریزو ته هم د حکومت لخوا ګواښونه کیږي .
د بشري حقوقو د څارونکي موسسې هیومن رایټس واچ په شمول د بشري حقوقو او نړیوالې موسسو تراوسه په ځلونو په سعودي عربستان کښې د بیان د ازادۍ د ځپلو ، او د بشري حقوقو د فعالانو او د خبریالانو په زنداني کولو او اعدامولو نیوکه کړي ده .
