Shefi i IRGC: Hakmarrja për vrasjen e gjeneralit do të jetë fundi i Izraelit
Komandanti i përgjithshëm i Gardës së Revolucionit Islamik (IRGC) tha se hakmarrja e Iranit për vrasjen e një këshilltari të lartë ushtarak në Siri nga Izraeli nuk do të jetë gjë tjetër veçse eliminimi total i regjimit pushtues sionist.
Gjeneralmajor Hossein Salami i bëri komentet të enjten gjatë funeralit të gjeneral brigade Sejed Razi Musavi, një komandant i IRGC-së i cili u martirizua në një sulm ajror izraelit në një lagje të Damaskut tre ditë më parë.
“Martirizimi i Sejed Razi Musavi erdhi nga paaftësia e regjimit sionist”, tha ai. “Nuk do të tregojmë kurrë durim përballë martirizimit të njerëzve tanë. Hakmarrja për Sejed Razi Musavi nuk do të jetë gjë tjetër veçse eliminimi i regjimit sionist.”
Gjeneralmajor Hossein Salami gjithashtu e përshkroi Musavi-n si "një nga komandantët më me përvojë dhe më efektivë" të IRGC-së në frontin e rezistencës.
“Armiku e njihte atë më mirë se ne, sepse kishte marrë goditje të forta prej tij. Armiku e dinte se çfarë roli dhe ndikimi kishte ai në zinxhirin e pafund të pushtetit”, tha Komandanti i përgjithshëm i Gardës së Revolucionit Islamik.
Duke folur për luftën në Gaza, Gjeneralmajor Hossein Salami tha se grupet e rezistencës “Hamasi dhe Xhihadi Islamik janë në gjendje të prodhojnë armë brenda Gazës… Rezistenca nuk do të përfundojë, por ajo që përfundon është fuqia e regjimit sionist”.
“Sigurisht, regjimi sionist nuk është në gjendje të sigurojë një jetë paqësore për hebrenjtë e botës. Ky regjim nuk është në gjendje të vazhdojë luftën përballë popullit të Gazës”, shtoi ai.
