Pars Today

Pars Today - Projekti shumë-funksional i digës dhe termocentralit, “Uma Oja”, në Sri Lanka, i ndërmarrë përsipër tërësisht nga kompani iraniane, pritet të vihet në funksion në ditët në vijim me praninë e zyrtarëve nga të dy vendet.

Ky është një nga projektet më të mëdha të eksportit të shërbimeve tekniko-inxhinierike të Iranit në fushën e ndërtimit të digave, transferimit të ujit dhe prodhimit të energjisë elektrike.

Me zbatimin e projektit "Uma Oja", i cili është ndërtuar 230 km në lindje të Kolombo, kryeqyteti i Sri Lankës, uji i tepërt nga lumenjtë "Uma Oja" dhe "Mahatotilla Oja" që ndodhen në provincën Uva të vendit, do të transferohen në zonat e thata të së njëjtës krahinë për zhvillimin e bujqësisë.

Krahas arritjes së këtij qëllimi, energjia që do të prodhohet përmes termocentralit nëntokësor të projektit ka kapacitet prodhimi prej 120 megavat energji elektrike.

Prodhimi i 290 gigavat-orë energji në vit, furnizimi me ujë për 5000 hektarë tokë bujqësore në rajonin e thatë juglindor të Sri Lankës dhe transferimi i 145 milionë metra kub ujë nga rajoni me shi në zonat e thata janë ndër objektivat e këtij projekti. Ky projekt në Sri Lanka është zbatuar dhe finalizuar nga kompania iraniane “Farab” me përpjekjet e ekspertëve dhe inxhinierëve iranianë.

Nga aspekti i ndërlikimit, ky projekt konsiderohet si një nga projektet inxhinierike unike. Ai përfshin ndërtimin e një tuneli 24 kilometra duke përdorur dy makineri TBM pa akses të ndërmjetshëm, në kushte shumë sfiduese gjeologjike dhe me një sasi tepër të madhe prurjeve dhe me presion të lartë të ujit.

Ai gjithashtu përfshin shpimin e një prej kanaleve vertikale më të thella në botë për hidrocentralet, me gjatësi 618 metra, instalimin e afërsisht 1000 ton mbulesë metalike dhe ndërtimin e termocentralit me zgavra dhe hapësira në një thellësi prej 750 metrash nën tokë.

 

Imazhe nga tunelet e projektit me shumë qëllime të ndërtuar nga Irani "Uma Oja" në Sri Lanka

Kompania iraniane zbatuese e këtij projekti mori çmimin prestigjioz të Përgjegjësisë Sociale në vitin 2022 për shkak të qasjes së tij të përgjegjshme ndaj komuniteteve lokale.

Për më tepër, sipas Shoqatës Ndërkombëtare të Tuneleve dhe Hapësirës Nëntokësore (ITA), projekti me shumë qëllime "Uma Oja" ishte ndër katër projektet përfundimtare të përzgjedhura në kategorinë 50 deri në 500 milionë euro në vitin 2020.

Si një vend lider në industrinë e ujit dhe energjisë elektrike, Irani në rajonin e Azisë Perëndimore mban pozitën e parë në eksportimin e shërbimeve teknike dhe inxhinierike në këtë industri.

Republika Islamike e Iranit është gjithashtu ndër pesë prodhuesit më të mirë të turbinave në botë dhe ka lokalizuar më shumë se 91% të komponentëve të kërkuar për industrinë e saj të termocentraleve.

Aftësitë teknike dhe inxhinierike të Iranit në prodhimin e mjeteve të menaxhimit të burimeve ujore, duke përfshirë rrjetet e ujitjes dhe kullimit, tunelet dhe ndërtimin e digave, janë 100% vendase dhe Irani në këtë fushë renditet ndër katër vendet më të mira në botë.

Para fitores së Revolucionit Islamik, në Iran nuk kishte kapacitet për zbatimin e projekteve tekniko-inxhinierike të ujit dhe Irani në industrinë e ujit ishte i varur nga kompanitë e huaja.