Fronti i rezistencës kritikon përkrahësit e krimeve izraelite
Këshilli i Lartë Politik i Jemenit dhe Lëvizja e Rezistencës Islamike Palestineze (Hamas) kritikuan mbështetjen e gjithanshme të Shteteve të Bashkuara ndaj regjimit sionist dhe heshtjen e krerëve të vendeve islamike për krimet e këtij regjimi.
Mahmud al-Mardavi, një nga zyrtarët e lartë të Lëvizjes së Rezistencës Islamike Palestineze (Hamas), theksoi se beteja kryesore e kombit palestinez është me qeverinë amerikane pasi sionistët po zbatojnë vetëm kërkesat e qeverisë amerikane. Ky zyrtar i lartë i Hamasit tha se qëllimi i disa pretendimeve është që të mashtrojnë shoqërinë sioniste. Autoritetet e këtij regjimi para familjeve të robërve duan ta prezantojnë veten sikur po marrin masat e nevojshme. Qëllimi i reagimit të fundit të Izraelit është të bllokojë rrugën e negociatave dhe të shkatërrojë shpresën për arritjen e një marrëveshjeje. Ky zyrtar i lartë i Hamasit shtoi gjithashtu: Pushtuesit duan ta detyrojnë popullin palestinez të migrojë. Kjo është strategjia kryesore e vrasjeve dhe bombardimeve të pushtuesit, por kombi ynë do të vazhdojë të qëndrojë dhe nuk do të largohet. Çdo hap që armiku sionist hedh përpara në negociata, ai bën dhjetë hapa prapa.
