Shefi i OKB-së: Lufta në Ukrainë, një plagë e hapur në zemër të Evropës
Shefi i Kombeve të Bashkuara bëri thirrje për paqe dhe drejtësi, ndërsa Këshilli i Sigurimit i OKB-së u mblodh të premten për të shënuar përvjetorin e dytë të pushtimit të plotë të Ukrainës nga Rusia.
António Guterres i tha këshillit se agresioni i Rusisë ka shkelur drejtpërdrejt Kartën e Kombeve të Bashkuara dhe ligjin ndërkombëtar.
“Dy vjet më pas – dhe një dekadë që nga tentativa e aneksimit të paligjshëm nga Rusia të Republikës Autonome të Krimesë të Ukrainës dhe qytetit të Sevastopolit – lufta në Ukrainë mbetet një plagë e hapur në zemër të Evropës”, tha Guterres.
“Është koha e fundit për paqe – një paqe e drejtë, e bazuar në Kartën e Kombeve të Bashkuara, ligjin ndërkombëtar dhe rezolutat e Asamblesë së Përgjithshme”, tha Guterres.
Sekretari i Përgjithshëm i OKB-së tha gjithashtu se “të gjithë autorët duhet të mbajnë përgjegjësi për raportet e torturës dhe dhunës seksuale të shkaktuar ndaj civilëve dhe të burgosurve. Gati katër milionë ukrainas janë zhvendosur brenda vendit dhe mbi 14.5 milionë njerëz brenda vendit kanë nevojë për ndihmë humanitare.”
Guterres paralajmëroi gjithashtu për zgjerimin e konfliktit dhe “duke nxitur paqëndrueshmërinë rajonale”.
