Wanawake wa Iran wang'ara katika sekta ya sayansi na teknolojia

Wanawake wa Iran wameng'ara katika sekta ya sayansi na teklojia na kuliletea taifa mafanikio makubwa katika uga huu.

Wanawake wa Iran wameweza kupiga hatua kubwa katika uzalishaji wa drones maalumu za masuala ya utaalamu, uvumbuzi wa biofeedback na uundaji wa benki za seli. Biofeedback ni matumizi ya saikolojia, nidhamu ambayo inasoma viungo kati ya shughuli za ubongo na kazi za kisaikolojia, kwa maneno mengine, ni sayansi ya mwingiliano wa "mwili-akili".

Wanawake wa Iran wamepata maendeleo makubwa katika uga wa "teknolojia" na wamepiga hatua kubwa katika mchakato wa kutengeneza bidhaa za teknolojia ya hali ya juu na kukuza uchumi unaotegemea bidhaa za sayansi.

Takwimu zinaonyesha kuwa, idadi ya wakurugenzi wakuu wanawake wa Iran na wakuu wa bodi ya wakurugenzi wa makampuni ya bidhaa za sayansi imeonyesha ukuaji mzuri katika miaka 3 iliyopita. Idadi ya wasimamizi wa kiteknolojia wa kike imeongezeka kutoka 1,092 hadi 2,250, ambayo inaonyesha ukuaji maradufu.

Kwa kusimamia makampuni yaliyojikita katika masuala ya sayansi na teknolojia wanawake hawa wamepiga hatua kubwa na madhubuti katika kuongeza ajira kwa wahitimu wa vyuo vikuu, kujibu mahitaji ya Iran na kusaidia kuleta kipato cha fedha za kigeni na kukuza uchumi unaotegemea bidhaa za sayansi.