Wanamuqawama wa al Qassam wawaangamiza wanajeshi 15 wa Kizayuni

Brigedi za Izzuddin al Qassam, tawi la kijeshi la Harakati ya Mapambano ya Kiislamu ya Palestina (Hamas) zimetangaza kuwa wanamuqawama wamewaangamiza wanajeshi 15 wa Israel katika Ukanda wa Gaza.

Tawi la kijeshi la Hamas jana lilitangaza kuwa wanamuqawama wa harakati hiyo wamelishambulia kundi la wanajeshi 15 wa jeshi la Israel katika eneo la al Shima kaskazini mwa Ukanda wa Gaza na kuwaangamiza.  

Kataeb Izzudin Qassam zimeeleza kuwa wanamapambano wa harakati hiyo wameyashambulia magari mawili ya deraya ya wanajeshi vamizi wa Israel kwa kutumia makombora ya Yasin 105 na Tandem. Wanamuqawama hao pia walikishambulia kifaru cha jeshi la Israel kwa bomu Radi karibu na Msikiti wa Shahidi Imad Aqil kaskazini mwa Ukanda wa Gaza.  

Wakati huo huo utawala wa Kizayuni wa Israel umeendeleza jinai zake dhidi ya Gaza kwa kuua shahidi makumi ya raia wa Palestina.