Wanajeshi 30 wa Kizayuni waangamizwa kaskazini mwa Ukanda wa Gaza
Kwa akali wanajeshi 30 wa utawala haramu wa Israel wameangamizwa na wanamuqawama kaskazini mwa Ukanda wa Gaza katika majuma ya hivi karibuni.
Maafisa na wanajeshi hawa 30 wa Kizayuni wameangamizwa katika vita na mapigano huko Jabalia kaskazini mwa Ukanda wa Gaza kuanzia tarehe 5 ya mwezi uliopita wa oktoba hadi sasa.
Hivi karibuni gazeti la Kizayuni la Yedioth Ahronoth lilimetaja majina ya maafisa wanne wa jeshi la Israel walioangamizwa kaskazini mwa Gaza.
Kabla ya hapo jeshi la utawala wa Kizayuni lilikuwa limetangaza habari ya kuangamizwa afisa wake mwingine wa ngazi za juu kutoka kikosi cha Lotar, kaskazini mwa Gaza.
Wakati huo huo, mwezi uliopita ilitangazwa kuwa, zaidi ya wanajeshi 70 wa Israel wameangamizwa na askari na maafisa zaidi ya 600 wamejeruhiwa katika shambulio la ardhini la jeshi la utawala wa Kizayuni wa Israel huko Lebanon.
Ripoti zinasema kuwa, jeshi la utawala ghasibu wa Israel limepata hasara kubwa katikak vita vya ardhiini huko Lebanon.
Habari za kupata hasara kubwa na kuuawa wanajeshi wa Israel huko Gaza na Lebanon zinatangazwa katika hali ambayo, utawala huo umekuwa ukifanya kila uwezalo kuficha na kuchuja habari zinazohusiana na hasara zake vitani.
