Waungaji mkono wa Palestina waandamana Canada na kulaani jinai za Israel

Mamia ya raia nchini Canada wameandamana katika mji mkuu Ottawa na kutangaza himaya na uungaji mkono wao kwa wananchi wa Palestina na kulaani mauaji ya kimbari ya Israel huko Gaza.

Waandamanaji hao wakiwa wamebeba mabango na maberamu wamesikika wakipiga nara dhidi ya Israel na waungaji mkono wao na kutoa mwito wa kusitishwa jiina na mauaji ya kimbari ya Israel katika Ukanda wa Gaza.

Maandamano hayo ni muendelezo wa maandamano yanayofanyika karibu kila siku katika mataifa mbalimbali ya dunia kuwaunga mkono Wapalestina.

Asasi mbalimbali za kimataifa zimeendelea kuonya kuhusiana na hali mbaya ya kibinadamu katika Ukanda wa Gaza na kutaka kuchukuliwa hatua za haraka kukomesha mauaji hayo ya Israel.

Philippe Lazzarini, Kamishna Mkuu wa Shirika la Umoja wa Mataifa la Kuhudumia Wakimbizi wa Kipalestina (UNRWA), ameonya kuwa, kizazi kizima cha Wapalestina huko Gaza "kitanyimwa haki ya elimu" ikiwa asasi hiyo katika Ukanda huo itafutwa chini ya sheria mpya ya Israel.