Eýranlylaryň saýlawlara gatnaşmagy, Amerikanyň Birleşen Ştatlarynyň interwensiýa pozisiýalaryna jogap
Eýran halkynyň ýurduň saýlawlaryna gatnaşmagy, Amerikanyň Birleşen Ştatlarynyň ýolbaşçylygyndaky Yslam Respublikasynyň garşydaşlarynyň çemeleşmelerini ýene bir gezek puja çykardy.
Eýran halkynyň yslam şuwra mejlisiniň we ýolbaşçylygyň bilermenler mejlisiniň saýlawlaryna gatnaşmagy, Amerikanyň Birleşen Ştatlarynyň ýolbaşçylygyndaky Yslam Respublikasynyň garşydaşlarynyň çemeleşmelerini ýene bir gezek puja çykardy.
Eýranyň yslam şuwra mejlisiniň 12-nji saýlawlary we ýolbaşçylygyň bilermenler mejlisiniň 6-njy saýlawlary düýn, anna güni (1-nji martda) Eýran halkynyň dürli gatlaklarynyň gatnaşmaklary bilen geçirildi. Eýranda ýerli wagt bilen sagat 8: 00-da başlanan bu saýlawlaer (birnäçe uzaldyşdan soňra) 24: 00-da tamamlandy.Saýlawdan birnäçe gün öň, Eýranda geçirilen öňki saýlawlarda bolşy ýaly, amerikan resmileri interwensiýa beýanatlarynda Eýranda geçiriljek saýlawlaryň hamana simbolik bolmagy sebäpli halkyň bu saýlawlara gatnaşmajakdygyny tosladylar. Amerikan resmileri, şol sanda Daşary işler ministrliginiň metbugat sekretary we ýurduň Eýran işleri boýunça wekili, soňky günlerde interwensiýa sözleri bilen Eýranyň saýlaw ulgamyny sorag astyna aldy. Bu meselede ABŞ-nyň Döwlet departamentiniň metbugat sekretary Mätýo Miller, Eýran saýlawlaryndan bir gün öň penşenbe güni, biziň ýaly köp sanly eýran halkynyň, bu saýlawlaryň erkin we adalatly bolmagyna garaşmaýandygyny toslady.
ABŞ-nyň Döwlet departamentiniň metbugat sekretary Mäýo Miller Amerikan saýlaw ulgamynyň aç-açan gowşak taraplaryna yşarat etmäni,Eýranyň saýlawlarynyň demokratik däldigini öňe sürdi we Eýranyň halky bu saýlawlaryň, netijelerine garamazdan, olaryň bähbidine däldigini we biz hem olar bilen ylalaşýarys diýipdi.
ABŞ-nyň Eýran meseleleri boýunça ýörite wekiliniň orunbasary "Abram Paley" hem Waşingtonyň Eýran hökümetine basyş etmek baradaky tagallalarynyň dowam etdirilmegini nygtap, erkin we demokratik gelejek ugrundaky göreşde eýran halkynyň ýanynda durjakdygymyzy toslady. Bu mesele bir ýagdaýda ara atylandyr welin, ABŞ-nyň Eýrana girizen rehimsiz sanksiýalary sebäpli soňky ýyllarda Eýranyň halky köp zyýan çekendir.
Amerikan resmileriniň dahylçylykly gürrüňlerine garamazdan Bu saýlawda takmynan 25 million eýran halkynyň gatnaşmagy bilen, oppozisiýanyň we garşydaşlaryň ýeňilendigini görkezýär. Aslynda, ähli ykdysady basyşlara we nägileliklere garamazdan, Eýranyň halky ýurdy buýsanmak we ösdürmek maksady bilen saýlawlara höwes bilen gatnaşmagy we yslam ulgamyny gowşatmak üçin dildüwşükleriň öňüni almagy başardy.
Şunuň bilen baglylykda, Yslam rewolýusiýasynyň ýokary derejeli lideri Hezretleri Aýatolla Hameneýi düýn saýlawlara gatnaşandan soň metbugat ýygnakdaky beýanatynda, dünýäde köp adamyň Eýrana gözleriniň bardygyny belläp ,saýlawlara gatnaşyp, Eýran halky bilen gyzyklanýan dostlarymyz begendireris we duşmanlarmyzy umytsyz ederis diýendirler.
