Najeriya: Harin Ta'addanci A Maiduguri Ya ci Rayukan Mutane Da Dama

An kai harin Ta'addanci A birnin Maiduguri

Mutane 17 sun mutu sanadiyyar tashin tagwayen bama-bamai a birnin Maiduguri na Jahar Borno a Najeriya.

Kamfanin Dillancin Labarun Faransa ya ce babu wata majiya ta hukuma da ta bada cikakken bayani akan girman asarar rayukan da harin ya haddasa, sai dai shaidun ganin ido sun ce sun ga fararen hula 17 da su ka mutu.

Kawo ya zuwa yanzu babu wata kungiya da ta dauki nauyin kai harin, sai dai yankin ya sha ganin hare-haren kungiyar bokoharam.

A ranar juma'ar da ta gabata ma dai an kai wani harin a garin Madagali wanda ya ci rayuka 57 da kuma jikkata wasu 177.