Sojojin Kenya Sun Kashe Mayakan Alshabab 52 A Kudancin Kasar

Sojojin kasar Kenya sun bada labarin cewa sun kashe mayakan Al-shabab akalla 52 a wani samame da suka kai masu a wasu yankuna a kudancin kasar

Kamfanin dillancin labaran Africa News ya nakalto babban komandan sojojin kasar Josept Uwatt yana fadar haka a safiyar yau Asabar ya kuma kara da cewa sun gano makamai da dama a hannunsu.

 A Wani bangare kuma ministan cikin gida na kasar ta Kenya Josept Nakaisiri ya kara jaddada anniyar gwamnatin kasar ta Kenya na ganin ta tumbuke ayyukan ta'addanci daga kasar daga Tushe. 

Duk da cewa an kori mayakan al-shabab daga manya manyan garuruwan kasar Somalia amma hare haren da suke kaiwa kan jami'an gwamnati da sojojin kasashen wajen dana cikin gida har'ila yau manya manyan wurare a kasar suna gurgunta al'amura a kasar