Wata Mota Shake Da Bama-Bamai Ta Tarwatse A Birnin Magadushu

Sojoji uku ne suka rasa rayukansu sanadiyar tashin Bam cikin wata Mota da aka sanya a birnin Magadushu fadar milkin kasar Somaliya

Hukumar gidajen telbijin da radio ta kasar Iran ta nakalto Nur Ahmad daya daga Jami'an 'yan sandar Somaliya na cewa A yayin da jami'an 'yan sandar kasar ke kokarin warware wasu bama-bamai da aka dana a cikin wata Mota da aka gano  wannan Laraba a wata anguwa dake birnin Magadushu, kwatsam sai Bam din ya tarwatse, lamarin da ya yi sanadiyar hallaka uku daga cikin su.

Duk da cewa har yanzu babu wata kungiya da ta dauki alhakin kai hari, to amma ana zarki kungiyar ta'addancin nan ta Ashabab mai alaka kut da kut da kungiyar Alka'ida, kuma kungiyar Ashabab din ta sha bayyana cewa tana kai irin wadannan hare-hare ne da nufin yakar Gwamnatin dake samun goyon bayan kasashen Yamma.

Tun daga shekarar 1991 ne kasar ta Somaliya ta rasa cikekkiyar Gwamnati dake milkin dukkanin sassan kasar kuma a bangare guda ga hare-haren ta'addanci da take fuskanta daga kungiyar Ashabab.