Senegal: Mutane 8 Sun Mutu A Filin Wasan Birnin Dakar

Mutuwar mutanen ta zo ne a daidai lokacin da ake kallon wasan karshe na zama zakaran kwallon kafa a kasar.

Mutuwar mutanen ta zo ne a daidai lokacin da ake kallon wasan karshe na  zama zakaran kwallon kafa a kasar.

Kamfanin dillancin labarun Senegal ya ce; A karshen karin lokaci a wasan da aka buga  a tsakanin kungiyoyin wasan kwallon kafa na Kulkam da Ambur a filin wasa na Dakar, Kulub din Ambur ya sami galaba da 2-1 abinda ya jawo fada a tsakanin 'yan kallo. Mutane takwas ne aka tabbatar da mutuwarsu asanadiyyar fadan.

Bugu da kari wasu 'yan kallon masu yawa sun jikkata bayan da aka tattake su a turmutsutsun da aka yi yayin ficewa daga cikin filin wasan.

Jami'an tsaro sun yi amfani da hayaki mai sa hawaye wajen tarwatsa 'yan kallon, wanda shi ma ya sa wasu da dama su ka shide.