Aljeriya: An Rusa Cibiyoyin 'Yan Ta'adda A Kusa Da Birnin Alges.

Ma'aikatar tsaron Aljeriya ce ta sanar da gano maboyar 'yan ta'addar a garin Boumerdes tare da rusa ta.

Ma'aikatar tsaron ta ci gaba da cewa an kuma gano wata maboyar ta 'yan ta'adda a yankin Rakan, da ke kan iyaka da kasar Mali.sojojin na Aljeriya sun sami bindigogi da albarusai da sauran kayan yaki  a cikin wannan maboya.

A yankin Ayn Kazam, da ke kudancin kasar an sami bindigogin Klashinkov da tabaren hangen nesa na soja da motoci tare da injinan Janareto guda biyar.

A cikin watannin bayan nan kasar Aljeriya tana samin samun nasarar gano cibiyoyin 'yan ta'adda a sassa daban-daban na kasar, musamman yankunan da suke kan iyakokin kasar da Mali da kuma Tunisiya.