Zimbabwe : Ana Zanga-zangar Neman Mugabe Ya Yi Murabus

A Zimbabwe wasu al'ummar kasar sun fara zanga-zangar neman shugaban kasar Robert Mugabe da ya yi murabus daga mulki.

Wannan dai na zuwa ne bayan da jam'iyyar ta Zanu PF ta bukaci shugaban da sojoji ke tsare da shi da ya mika mulki.

Rahotanni daga kasar sun ce tuni masu zanga-zanga suka fito a wasu biranen kasar bisa kiran jam'iyyar ta Zanu PF da kuma wasu 'yan gwagwarmaya na samun yancin kasar.

Wasu daga cikin masu zanga zangar na furta kalaman yabo da godiya ga sojojin kasar ga abin da suka kira samar da wani sabon yancin kasar.