Wani Sabon Sabani Ya Kunno kai Tsakanin Kasashen Masar Da Turkiyya

Wani sabon sabani tsakanin kasashen Masar da Turkiyya ya sake kunno kai bayan da Masar ta sake samun nasarar gano yankuna masu dauke da iskar gas da man fetur a kusa da kan iyakarta da kasar Cyprus.

Ministan mai fetur da iskar gas na kasar Masar Tariq Al-Mulla ya yi kakkausar suka kan matsayin kasar Turkiyya dangane da yarjejeniyar da aka cimma kan rabon kan iyaka tsakanin kasashen Masar da Cyprus musamman bayan da Masar ta gano yankunan da suke dauke da arzikin man fetur da iskar gas a yankinta.

Tariq Al-Mulla ya fayyace cewa: Masar bata kyashin ganin Turkiyya ta gudanar da bincike domin ganon arzikin man fetur da iskar gas a yankin kasar Cyprus, amma Turkiyya bata da hakkin rusa yarjejeniyar da aka cimma tsakanin Masar da Cyprus tun a shekare ta 2013, kuma Majalisar Dinkin Duniya ta amince da yarjejeniyar.