Tashin Bam Ya Hallaka Sojojin Somaliya 4

Akalla sojojin somaliya 4 suka rasa rayukansu sanadiyar tashin Bam a Magadushu babban birnin kasar

Kamfanin dillancin labaran kasar Iran ya nakalto wani babban jami'in tsaron kasar Somaliya da ya bukaci a sakaye sunansa ya ce jami'an tsaron kasar hudu ne suka hallaka sanadiyar tashin bom sin da ya wakana a Magadushu babban birnin kasar.

Ya zuwa yanzu babu wata kungiya da ta dauki alhakin tayar da Bam din, to saidai ana zargin kungiyar ta'addancin ta Ashabab mai alaka kut da kut da alka'ida da kai harin, ganin cewa a cikin shekarun baya-bayan nan kungiyar ta saba kai irin wadannan hare-hare na ta'addanci a cikin kasar da kasar kenya dake makwabtaka da Somaliyan.