Somaliya : Bam Ya Kashe Mutum 14 A Mogadisho

Hukumomi a Somaliya sun ce mutane a kalla 14 ne suka gamu da ajalinsu, kana wasu da dama suka raunana a wani harin bam da aka kai a gaban wani shahararren hotel a Mogadisho babban birnin kasar.

 Da yake tabbatar da hakan ga manema labarai, kakakin ma'aikatar tsaron cikin gidan Somaliya, ya ce an kai harin ne a Otel din Wehliye, kuma galibin wadanda lamarin ya rusa dasu fararen hula ne masu talle a gaban Otel din.

Bayanai sun nuna cewa, Otel din dake kan babbar hanyar Maka Al-Mukarrama, ya shahara wajen karbar manyan jami'an gwamnati ciki harda jami'an tsaro.

Ganau sun shaidawa kamfanin dilancin labaren Xinhua cewa, fashewar bam din ya haufar da barna mai yawa.

Kawo yanzu babu wata kungiya data dau alhakin kai harin, saidai so tarin yawa akan danganta ire-iren wadannan ayyukan ta'adi ga kungiyar nan ta Al'shabab dake gwagwarmaya da makamai a wannan kasa ta Somaliya dake yankin kahon Afrika.