Adadin 'Yan Tawayen Darfur na Sudan Na Karuwa A kasar Libya

A wani rahoton da majalisar dinkin duniya ta fitar, an bayyana cewa mayakan 'yan tawayen yankin darfur na kasar Sudan na karuwa a kasar Libya.

Kamfanin dillancin labaran AFP ya bayar da rahoton cewa, a cikin wani rahoto mai shafuka 53 da majalisar dinkin duniya ta harhada kuma ta mika wa kwamitin tsaro, an bayyana cewa  a cikin 'yan lokutan nan an yi la'akari da karuwar mayakan 'yan tawaye na yankin Darfur a cikin dakarun Libya masu biyayya ga Khalifa Haftar.

Rahoton ya ce akwai yiwuwar wadannan 'yan tawayen su yi amfani da horo da kuma kara gogewar da suka samu a Libya, wajen sake tayar da kayar baya a Sudan.