Senegal : An Zabi Mace Ta Farko A Matsayin Magajiyar Birnin Dakar

Kamfanin dillancin labarun Anatoli ya ba da labarin cewa majalisar tafiyar da mulki ta babban birnin kasar Senegal Dakar ce ta kada kuri'ar zabar Soham El Wardini a matsyain magajiya birnin

.A tsakanin kuri'u 90 na mambobin majalisar mulki ta birnin, Soham El Wardini ta sami kuri'u 64 domin ta maye gurbin Khalifa Sall.

Gabanin zabar ta Soham El Wardini ta kasance mataimakiyar magajin garin birnin Dakar. Bayan zaben da aka yi mata za ta ci gaba da zama akan mukaminta daga nan zuwa watan Disamba na 2019 da za a sake yin wani zaben.

Sabuwar magajiyar garin na birnin Dakar tana wakiltar kawancen da ake kira da Takawu Dakaro, na 'yan hamayya.

A ranar 31 ga watan Agusta na 2018 ne dai aka sauke Khalifa Sall daga kan mukaminsa na magajin garin na Dakar.