Burkina Faso : Janar Diendere, Ya Gurfana Gaban Kotu

A Burkina faso yau ne, Janar Gilbert Diendere, ke bayyana a gaban wata kotun sojin Ouagadugu, bisa zargin yunkurin juyin mulkin 2015.

Ana dai zargin Janar Diendere da cin amanar kasa, da kisa a yayin yunkurin juyin mulkin da ya yi sanadin mutuwar mutum 14 da kuma raunana 270.

Tun a farkon watan Fabrairu ne akayi tsammanin za'a gurfanar dashi a gaban kotun. 

Ko baya ga Janar din akwai wasu mutum kimanin talatin da su ma ake tsare dasu bisa zarginsu da hannu a yunkurin juyin mulkin da baiyi nasara ba.