Bam Ya Kashe Sojin Burkina Faso Uku

A Burkina Faso, sojojin kasar uku ne suka rasa rayukansu, a wani harin bam, a lokacin dasuke kan hanyarsu ta zuwa Fada N'gourma-Pama.

Ko baya ga hakan akwai wasu sojojin hudu da suka raunana wanda aka garzaya dasu asibiti na Fada N'gourma-Pama domin karbar jinya.

Burkina faso dai na fama da hare hare iri daban daban tun a cikin shekara 2015.

Yankin arewa da kudancin kasar su ne suka fi fuskantar hare hare dake alakantawa dana mayakan dake ikirari da sunan jihadi.

Ko baya ga wadanan yankunan, Ougadugu babban birnin kasar ma ya fuskanci hare hare har sau uku.