An Kama Mutane 816 A Kasar Sudan
Ministan harkokin cikin gida na kasar Sudan ya bayyana cewa tun lokacinda aka fara tashe-tashen hankula na baya-bayan nan kasar Sudan an kama mutane 816.
Kamfanin dillancin Laraban Mehr na kasar Iran ya nakalto ministan cikin gida na kasar ta Sudan Ahmad Bilal Usman yana fadar haka a jiya Litinin.
Ministan ya kara da cewa mutane 19 ne suka rasa rayukansu tun lokacinda aka fara tashe-tashen hankulan a shekarar da ta gabata.
Amma majiyar kungiyar Amnesty International tana cewa an kashe mutane kimani 40 a rahoton da ta tattara daga kafafe masu amince a kasar ta Sudan.
Tun ranar 19 ga watan Decemban da ta gabata ce mutanen kasar sudan suka fara zanga-zangar yin alllawadai da karin farashin kayakin abinci musamman bredi a kasar.
Mutanen kasar sudan dai suna bukatar shugaban Umar Hassan Albashir ya kawo karshen shugabancuin kasar da yake yi tun shekara 1993.
A bisa tsarin mulkin kasar Sudan a halin yanzu dai shugaban zai kawo karshen mulkinsa a kasar ne a shekara ta 2020.
