Boko Haram Ta Kashe Mutum 4 A Diffa
Jan 29, 2019 18:21 UTC
Rahotanni daga jihar Diffa dake gabashin Jamhuriyar Nijar na cewa, mayakan boko haram sun kashe akalla mutum hudu tare da raunata wasu da dama a wani hari da suka kai a cikin daren jiya wayewar wannan safiyar Talata a yammacin garin Bosso.
Mayakan sun kuma kone gidaje da dama da kuma wasu motoci kirar toyota guda 3 na masu dakon tattasai.
Wannan Harin dai na zuwa ne 'yan sa'o'i kadan bayan ziyarar da ministan cikin gida na aksar ta Nijar, Bazoum Mohammed ya kai a jihar ta Diffa.
A kwanakin baya dai sojojin kasar ta Nijar sun yi nasara hallaka mayakan na Boko Haram kusan 300 a yankin tafkin Chadi a kusa da kogin Komadugu.
Jihar Diffa dake fama da matsalar Boko Haram, na karkashin dokar ta baci tun a watan Fabrairu na 2015.
