An kama Palastinawa 9 a gabar tekun jodan

Jami'an tsaron Haramcecciyar kasarv Isra'ila sun yi awan gaba da Palastinawa 9 a gabar tekun Jodan

Hukumar gidan radio da telbijin ta kasar Iran ta habarta cewa baya ga Palastinawan da Jami'an tsaron HKI suka kama a gabar tekun Jodan, a wannan Alkhamis din ma sun kame wasu Masinta Palstinawa biyu a mashigar ruwan zirin gaza tare da yin awan gaba da Kwale-kwalen su.

A yayin da take ishara kan ci gaba da take hahin Masintan palastinawa, Kungiyar Kare hakin bil-adama ta Palastinu ta habarta cewa daga farkon shekarar 2016 zuwa yanzu akalla Masintan Palastinawa 65 ne Jami'an tsaron HKI suka kame, daga cikin su a kwai Matasa guda 10 a mashigar ruwa na yankin zirin Gaza.

Har ila yau Sojojin HKI sun kai farmaki kauyen Jabalul-mukabir inda suka kulle gidan shahidi Fadi Alkambar wanda ya yi shahada bayan ya kai hari da babbar mota kan Sojojin HKI a Qudus inda ya hallaka 8 daga cikinsu tare kuma da jikkata wasu 15 na daban.