Mutane da dama sun rasu sanadiyar fashewar Bam a birnin Bagdaza

Akalla Mutane 10 ne suka rasa rayukansu yayin da wasu sama da 40 suka jikkata sanadiyar tashin wani Bam dake makile cikin mota a wajen wani bincike na Bagdaza babban birnin kasar Iraki.

Kamfanin dillancin Labaran Fars ya habarta cewa wani dan kunan bakin wake ya kai hari cikin wata Mota shake da bama-bamai a wurin bincike na Jami'an tsaro, lamarin da ya yi sanadiyar mutuwar mutane da dama.

Majiyar asibici ta shaida cewa adadin Mutanen da suka rasa rayukansu sun kai 15 yayin da wadanda suka jikkata suka kai 45.

Ya zuwa yanzu babu wata kungiyar da ta dauki alhakin kai harin, saidai kungiyar ISIS ta dauki nauyin irin wannan hari na ta'addanci da aka kai kwanakin baya a birnin na Bagdaza.