Pakistan : An Kashe Mutum 20 A Wani Wurin Ibadar Sufaye

Rahotanni daga Pakistan na cewa mutane 20 ne aka kashe a wani wurin ibadar Sufaye dake lardin Punjab.

'Yan sanda a yankin sun ce wasu mutane dauke da kulake da wukake ke suka farmawa masu ibadar inda suka kashe 20 daga cikinsu tare da jikkata hudu daga cikinsu da sanyin safiyar wannan Lahadin.

An dai yi nasara cafke wasu mutane uku da ake zargi da hannu a wannan kisan, ciki har da mai gadin wurin a cewar 'yan sandan.

Tuni dai firaministan Punnjab, Shahbaz Sharif  ya umurci 'yan sanda dasu hada masa rahoton hakikanin abunda ya faru a cikin sa'o'i 24 masu zuwa.