Saudiyya Ta Soke Duk Wata Tattaunawa Da Qatar

Saudiyya ta ce ta soke duk wata tattaunawa da Qatar, bayan da a karon farko aka samu tattaunawa a hukumance tsakanin masarautun kasasshen biyu.

Tun da farko dai Saudiyya ta sanar da cewa Qatar ta ce a shirye ta ke don tattaunawa kan rikicin watanin uku dake tsakaninsu.

To saidai jin kadan bayan hakan Saudiyyar ta fitar da sanarwar  cewa ta dakatar da duk wata tattaunawa da Qatar.

Saudiyya ta ce ta dau matakin ne bayan da kafofin yada labaren Qatar suka yi ta rawaito cewa masarautar Saudiyyar ce ta bukaci a yi tattaunawar, a zantawar da akayi ta wayar tarho tsakanin Sarkin na Qatar Tamim Bin Hamad al Thani da Yariman Saudiya mai jiran gado Muhammad bin Salman.