Wani Bapalastine Ya Yi Shahada A Hanun Sojojin Haramtacciyar K.Isra'ila

Ma'aikatar kiyon lafiyar Palastinu ta sanar da shahadar wani Bapalastine a yayin zanga-zangar Dawo Da Hakki.

Ma'aikatar kiyon lafiyar Palastinu ta bayyana cewa wani Bapalastine mai suna Hisam Salim Abu Awidah ya yi shahada bayan mumunar rauni da ya samu  yayin da sojojin Isra'ila suka harbe shi da bindiga  jiya juma'a a yayin  zanga-zangar neman dawo da dukkanin yankunan palastinawa da yahudawan sahawuna suka mamaye.

Sanarwar ta ce akwai yiyuwar shahidan su karu ganin cewa akwai karamcin magani a asibitin  Gaza ga kuma yawan wadanda sojojin HKI suka jikkata da harshashi ga shi kuma sun hana a fita da su zuwa kasashen ketare duk kuwa da umarnin da MDD ta bayar.