An Gano Wasu Manyan Kabarurruka Makare Da Jama'a A Kasar Siriya

Kwamitin sake gina garin Raqqa da ke gabashin kasar Siriya ya sanar da cewa: An gano wasu manyan kabarurruka guda uku dauke da daruruwan gawawwakin mutane da aka aiwatar da kisan gilla kansu a garin na Raqqa.

A bayanin da kwamitin sake gina garin Raqqa na kasar Siriya ya fitar  ya bayyana cewa: Bayan tsarkake garin Raqqa daga mamayar 'yan ta'addan kungiyar Da'ish an gano manyan kabarurruka gusda uku dauke da gawawwakin mutane 1,236, kuma akwai yiyuwar sake gano wasu tarin kabarurrukan.

A gefe guda kuma sojojin gwamnatin Siriya da dakarun sa-kai na kasar sun samu nasarar yantar da kauyuka biyar da suke lardin Quneitra da ke kudancin kasar Siriya.