Wani Matashin Bapalastine Yayi Shahada A Kudancin Zirin Gaza

A Ci gaba da zanga-zangar neman dawo da hakki, wani matashin Bapalastine ya yi shahada sanadiyar mumunar rauni da ya samu a jiya Juma'a

Cibiyar sadarwar Palastinu ta habarta cewa a safiyar yau assabar, Mumin Fathi Al-humus matashin Bapalastine mai shekaru 18 a Duniya ya yi shahada sanadiyar mumunar raunin da ya samu a jiya juma'a yayin gudanar da zanga-zangar neman dawo da hakki a gabashin Rafah dake kudancin yankin zirin Gaza.

Kafin wannan dai a zanga-zangar da Palastinawan suka gudanar  ranar 'ya'yan shahidai, dakarun tsaron  sahayoniya  sun buda wuta kan mahalarta zanga-zangar, lamarin da ya yi sanadiyar mutuwar mutum biyu da kuma jikkatar wasu da dama na daban.

Sama da makoni 18 kenan ana gudanar da zanga-zangar neman dawo da hakki a yankin zirin Gaza domin nuna adawa kan killacewar da hukumomin H,K, Isra'ila suka yiwa yankin.