Sojojin H.K. Isra'ila Sun Kashe Palasdinawa 3 A Zirin Gaza

Jirgin saman yakin sojin gwamnatin haramtacciyar kasar Isra'ila ya yi luguden wuta kan wasu Palasdinawa a garin Deir-al-Balah da ke yankin Zirin Gaza lamarin da ya yi sanadiyyar shahadar Palasdinawa uku.

Kakakin ma'aikatar lafiya ta Palasdinu Ashraf Qydurah a yau Litinin ya sanar da cewa: Jirgin saman yakin sojin gwamnatin haramtacciyar kasar Isra'ila ya yi luguden wuta kan matasa Palasdinawa a yankin gabashin garin Deir-al-Balah a yankin Zirin Gaza, kuma sojojin haramtacciyar kasar Isra'ila suka hana kai musu dauki lamarin da ya janyo shahadar Palasdinawa uku daga cikinsu.

Majiyar sojin gwamnatin haramtacciyar kasar Isra'ila ta yi da'awar cewa: Matasan Palasdinawan suna kokarin dasa bom ne a yankin da aka hana shiga da ke tsakanin yankunan Palasdinawa da na Yahudawan Sahayoniyya, sai wannan da'awa ta sojin haramtacciyar kasar Isra'ila ta tabbata karya bayan da aka bincika Palasdinawan babu wani bom dauke da su.