Moscow: An Dawo Da 'Yan Hijrar Siriya Dubu 270 Gida

Sojojin kasar Rasha sun sanar da mayar 'yan kasar Siriya dake gudun hijra a kasashen waje kimanin dubu 270 gida.

Cikin wata sanarwa da ta fitar a wannan juma'a ma'aikatar tsaron kasar Rasha, ta ce bisa gididigar da suka yi cikin makon da ya gabata, kimanin 'yan kasar siriya dubu 6 aka mayar da su gida, wanda kuma idan aka kwatamta da wadanda aka dawo da su gida a watanin da suka gabata, adadin ya kai dubu haura zuwa dubu 270.

Sanarwar ta ce a cikin 'yan watanin nan dakarun tsaron kasar ta Rasha sun himmatu wajen mayar da 'yan kasar ta Siriya dake gudun hijra a wasu kasashen waje, zuwa gida.

Ganin yadda aka samu nasara wajen fatattakar 'yan ta'adda a kasar ta Siriya , 'yan kasar da dama dake sansanin 'yan gudun hijra a kasashe makwabta na koma gida.