Wakilin Rasha A MDD, Vitaly Churkin, Ya Rasu
Feb 21, 2017 02:23 UTC
An yi shiru na minti daya domin nuna juyayi kan rasuwar wakilin Rasha a MDD Vitaly Churkin, kafin kuma a gudanar da cikakken zaman taron MDD karo na 71.
A jiya ne wakilin na Rasha a MDD, Mr Churkin, ya rasu a hedkwatar MDD dake birnin New York.
Rahotanni sun bayyana cewa a jiya Litinin, zaunanniyar tawagar wakilan kasar Rasha dake MDD ta shaida cewa Mr. Churkin ya rasu ne a yayin da yake aiki a ofishinsa,a daidai lokacin da ake shirin taya shi murnar cika shekaru 65 a yau Talata.
Wasu majioyoyin diflomatsiyya sun ce Mirigayin ya mutu ne saboda matsalar zuciya.
Shugaban babban taron MDD karo na 71 Peter Thomsen, ya ce ya kadu matuka da gaske game da rasuwar Mr. Churkin.
Tags
