Birtaniya : Mutane 12 Suka Mutu A Gobara Landan

Rahotanni daga Birtaniya na cewa a kallah mutane 12 ne suka mutu a mummunar gobara data kama wani bene a yammacin birnin Landan.

Kawo yanzu babu karin bayyani akan musababbin tashin gobara, saidai tuni masu haya benen suka fara danganta lamarin da rashin tsari da kuma bin ka'idodi na kiyaye gobara a benen mai hawa 24. 

Ko baya wadanda suka rasa rayukansu da akwai wasu mutane 78 dake kwance a asibiti, daga cikinsu kuwa da akwai wasu 18 dake cikin mayuyacin hali.

Yan sanda a yankin sun ce mai yuwa adadin mutanen da suka rasa rayukansu ya karu, kasancewar har yanzu ana neman wasu mutane da suka bata. 

A cikin daren jiya wayewar safiyar wannan Laraba ce gobara ta kama a benen mai suna suna Grenfell.